TiBa
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

TiBa

مرحبا بك ..:: زائر ::..
 
الرئيسيةأحدث الصورالتسجيلدخول

 

 كيف تختار موبايلك الجديد بالطريقة الصحيحة

اذهب الى الأسفل 
3 مشترك
كاتب الموضوعرسالة
Admin

[ . .:. ADMIN .:.. ] Admin


ذكر المشاركات : 1261

العمر : 36

الاقامة : In HeLL

المستوي : level 4

الدراسه : designer Forum TiBa Academy


كيف تختار موبايلك الجديد بالطريقة الصحيحة Empty
مُساهمةموضوع: كيف تختار موبايلك الجديد بالطريقة الصحيحة   كيف تختار موبايلك الجديد بالطريقة الصحيحة Emptyالأربعاء نوفمبر 07, 2007 1:30 pm

اليوم حبيت أكتب موضوع قد يفيد الكثير من الناس لإختيار موبايل مناسب

في البداية
]يجب على الشخص أن يحدد مبتغاه من التلفون يعني يشوف هو ماذا يحتاج من الإمكانيات
الي محتاجً تلفون يكون فيه راديو و MP3 ويتركبله ميموري وكاميرا وبس
وممكن واحد تاني ماتهمهوش الحجات ده بيبقى محتاج تلفون بس يكون شيك سواء بباب أو زلاج
وطبعاً دلوفتى الشركات ( خصوصاً نوكيا ) مابتقدمش كل المميزات في عدة واحدة علشان التسويق لبقية العدد يعنى تلاقي تلفون فيه حاجات كويسة بس نقصة مش عارف إيه وهكذا
خلاص دلوقتى فرضاً أن واحد عاوز تلفون تكون كاميرته معقوله ( مش غاوي تصوير قوي ) بس أهم حاجة ان يكون في راديو و MP3 علشان المزاج


وفي البداية برضه
( طيب ياباشمهندس الكلام الي أنت قلته ده جميل إخلص على أهلى وقلي أعرف إزاي أن العدة كويسة بنفسي ؟ ) السؤال ده إتسألى كثير
طيب هرد عليك أنا وهقولك لازم تشوف إمكانيات الجهاز ويفضل انك ماتشفهاش من الموقع الرسمى للجهاز ويفضل أن يكون لك موقع لشركات الأبحاث الهاتفية لأنها بتفصفصلك الجهاز وبتجيبلك عيوبه ومميزاته وأنا بنصح بموقع كويس جداً وذات مصداقية كويسة وهو
WWW.GSMARENA.COM
بعد ماتدخل على الموقع ده هتلاقي على اليسار قائمة بجميع شركات الموبايل الي ربنا أوجدها على الأرض بلا إستثناء الوحش والحلو وشكل القائمة كده
كيف تختار موبايلك الجديد بالطريقة الصحيحة 01np5
المهم لمى تختار الشركة الي أنت عاوزها هيفتحلك صفحة بكل موبايلات الشركة عملتها وبالصور كمان ( يالله عيش بدلعكو أهو

كيف تختار موبايلك الجديد بالطريقة الصحيحة 02yi1




المهم أنا بنصح لو واحد متردد في شركة أنه يتمشى شوية في الشركات ويتفرج على الجديد ويشوف حاجة تعجب زوقه المهم دلوقتى أنت شفت حاجة عجبتك شكلها قوي وعاوز تعرف بقى
العدة ده كويسة ولى لا من غير ماحد يفتى عليك ولى يسرحك ( خليك بس أنت معايا ) وأنت هتندم قصدي هتكسب

المهم دلوقتى أنا هوضح حبة نقط مهمة لأي واحد فينا انه يعرفها ( علشان بس يكون عارف هيشتري إيه بالضبط )
بعد مالقيت الجهاز ( الهدف) الي أنت عاوزه دوس على الصورة وهيفتحلك صفحة بها خصائص الجهاز وبص معايا بقى على حبة النقط ده ( أنا إخترت الموبايل ده للشرح فقط أنا مابحبش النوكيا خلاص )
اولا التردداداتأول حاجة ممكن تبص عليها ( مع أنها مش مهمة قوي بس قلت أشير عليها )
الترددات الي بيشتغل عليها الموبايل
كيف تختار موبايلك الجديد بالطريقة الصحيحة 04th1
وطبعاً زي ماهو باين أن التلفون ده بيشتغل على 3 ترددات وكلهمGSM وهي إختصار لـ Global System for Mobile وده مانسميه نحن الجيل الثاني 2G
ومن هذا نعرف أن هذا التلفون مش مدعم لخدمات الجيل الثالث 3G ولو كان التلفون مدعم هنلاقي كاتبين أنه مدعم للـ 3G المهم النقطة ده مهم للناس الي بتجيب تلفونات من أوربا وشرق آسياً يتأكده أن التفونات مدعمة لحيز الترددات الي شغالة عليه مصر الي هو 900
يعني لازم الموبيل يكون بيشتغل على GSM 900 غير كده هيكون الموبايل عمياني يعيني





ثانياً
المقاس والحجم


كيف تختار موبايلك الجديد بالطريقة الصحيحة 05xx5

وهنا قصده مقاس جسم الموبايل ووزنه
وطبعاً ماحدش فاهم المقاسات ده هتعرفها إزاي أسهل حاجة تعملها أن تفتح صفح خصائص تلفون
أنت عارفه كويس نقول مثلاً 6600 وتقارن المقاسات ببعض ساعتها هتاخذ باله من مقسات ده
يعنى تخلي 6600 مرجع تقيس عليييه (طبعاً الحاجة ده تفرق مع واحد عاوز جهاز يكون صغير أو كبير ) حسب المزاج يعني





ثالثاً
الشاااااااشة يامعلم


كيف تختار موبايلك الجديد بالطريقة الصحيحة 06ap6

وده أنا شايفها من أهم الحجات الي لازم تاخذ بالك منها قوي
وطبعاً هيجي واحد منكم ويقولي وده مهمة ليييييييه قوي ياحدق
هقوم أنا وأرد عليييه قائلاً أن دقة الشاشة وعدد الألوان في البكسل هو ده الي
بتوقف عليه نقاوة الشاشة وبيخلي الشاشة ده أنظف من التانية


المهم أول حاجة هو كاتب النوع وهنا يقصد الحج نوع الشاشة
وهي من نوع TFT وهي إختصار لـ thin film transistor وهذه التقنية بتعطيأفضل وضوح للشاشة وهي عبارة عن دمج ألوان البيكسل وأغلب الأجهزة الجديدة من بعد 6600 تقريباً وهي بتنزل بهذا التقنية
وبعد كده كاتب 65K وهنا أن 65 ألف لون للبيسكل الواحدة وأنا من رأي الشخصي أن 65ألف شوية أغلب الجديد دلوقتى بينزل 256k لون وده أقل ما أنصح بيه
وبعد كده قال مقاس الشاشة 176*208 بيكسل برضه ممكن تقارنها بمقاس6600 علشان تحس بفرق المقاس ( أنا بقول 6600 علشان أغلبيتنا مسكه وعارفه عن ظهر قلب )
وبعد كده ذاكر حبة حجات زرار الملاحة بخمس إتجهات ( فوق وتحت ويمين ويسار و الضغط للداخل كزر ) .





رابعاً
النغمات


كيف تختار موبايلك الجديد بالطريقة الصحيحة 07ah2
وده طبعاً لو بيهمك الموبايل بيشغل إيه ومابيشغلش إيه
هنا الحج قال أن نوع النغمات POLYPHONIC يعني مجسمة وبتتكون من 48 طبقة صوت
وهنا أحب أقول لحضارتكم أن عدد الطبقات بيفرق كثير موووت في وضوع النغمات ( المجسمة)
وشركة سامسونج هي الرائد في وضوح النغمات بتصل طبقات الصوت عندها لأكثر من 64 طبقة
علشان كده تحسوا أن النغمات عندهم حلوة كده ونظيفة عن النوكيا
وبيقول أنه مدعم يشغل MP3 كنغمة رنه
وبعدين ذاكر أنه ممكن تعمل داون لون لنغمات ( وده بيكتبها في كل الموبيلات )
وبعد كده ذكر أن فيه فايبريشن وده لازم تاخذ بالك منها ( مع أن خلاص أغلب الموبيلات بقت بفايبريشن )




خامساً
الذاكرة يابيه


كيف تختار موبايلك الجديد بالطريقة الصحيحة 08jw6

وطبعاً أنتو عارفين أهميتها أكثر منى
أول حاجة هو كاتب أن النوتة مطورة ( وكل التلفونات كده)
وثاني حاجة أنه بيسجل مكالمات ( طبعاً ده بتفرق مع أشخاص المقالب )
وثالثاً ده أهم حاجة ( علشان تعرف الموبايل بيركبله كارت ومساحته الداخلية قد إيه )
هو كاتب MMC وهي إختصار لـ Multi Media Card ودلوقتى ظهرت أنواع أخرى
المهم هنا هو قلك أنه يتركبله كارت ولو ماكنش بيتركبه بيقولك NO MMC
وبعد هذا ذكر أن الجهاز بيجي معاه كارت 32 ميجا ( طبعاً ده بتتوقف على التوكيل في البلدان )
وبهد كده قال 6 ميجا مساحة الجهاز الداخلية وبعد كده ذكر أنه بيسجل فوق الـ60 دقيقة فيديو





سادساً
نقل الداتا و التوصيل


كيف تختار موبايلك الجديد بالطريقة الصحيحة 09ck2

وده برده تعرفوها علشان فيها حاجات مهمة
أول حاجة ذكر الـ GPRS وهي إختصار General Packet Radio Service
وهي تقنة الإتصال بالإنترنت عن طريق الموبايل وتصل سرعته إلى 115 كيلو بت لكل ثانية ( ده أقصى سرعة ) وطبعاً هنا في الموبايل ده سرعته 48 فقط بس الحجات ده مابتفرقش معانا ( قال يعني مقطعين النت عالموبايل )


وبعد كده ذكر أن التلفون غير داعم للـ
HSCSD وهي إختصار High-Speed Circuit-Switched Data وهي بتستخدم للـ GSM NETWORK

وبعدين قال أنه داعم لخاصية EDGE وهي إختصار Enhanced Data rates for GSM Evolution وهي بتستخدم لمميزات الجيل 2.5G وهي عبارة عن مميزات تحتاج على إتصال ذات سرعة عالية زي الرسائل الفيديو وخلافه

وبعدين ذكر أنه مش مدعم للجيل الثالث 3G

والمهم بقى الي جاي بقى التوصيلات الي إحنا عاوزنا بجد
قال أنه فيه بلوتوث ونوعه 1.1 ( البلتوثات فيرجنات كثير وعليها بتعتد سرعة البلوتوث)
وبعد كده قال أن فيه إنفرا ريد
وبعد كده قال أن ليه كابل USB ( يعني ممكن توصلي بالجهاز عن طريق الكابل )




سابعاً
المميزات العامة ( وده أهم حاجة )



ركز بقى معايا وفووووق ( أوعى تكون نمت من الموضوع الرخم ده )
كيف تختار موبايلك الجديد بالطريقة الصحيحة 10wr7


اول حاجة ذكرها الحج OS وتعني الـ OPERATING SYSTEM
أو نظام التشغيل أو بالعربي نوع السوفت وير المستخدم والشركات الرائدتان في صناعة سوفت وير للموبيلات هي سيميان ومايكروسوفت بس الأخيرة متخصصة في الـ آي ميت
وطبعاً في شركات ثانية كثير غيرهم بس سيمبيان هي بقت تعمل أغلبية السوفت وير للنوكيا وهنا كاتب أنه الإصدار السابع وطبعاً أنتو بتشوفوا الإختلاف بين الإصدارات في الموبايلات المختلفة
بتاعت نوكيا بس لو تلاحظة الأوبشن الأساسية كلها واحدة ( إخلص علينا ياعم الحج إنت لسه هترغي )


وبعد كده بيذكر أنواع الرسائل
وبعدها نوع المتصفح بتاع النت ( هم انواع وإصدارات كثير )
وبعد كده الألعاب الموجود على الجهاز
وبعد كده الألوان المتوافرة للجهاز
وبعد كده وأهم حاجة لناس كثييييييييير الكاميرا
كتبب أنها 1.23 ميجا وأنها 1280x960 بيكسل ( يعني الصور الي هتصورها من غير زوووم هتبقى بالمقاس ده) وذكر أنه بيصور فيديو ( وطبعاً لو الكاميرا كان فيها فلاش هيكتب ذلك ولو فيها MULTI SHOT هيذكر ذلك برضه يعنى الحج مش هيخبي عليكو حاجة )
وطبعاً أنا بنصح أن الكاميرا ماتكنش أقل من 1.3 ميجا ( للمهتمين بالتصوير فقط )
وبعد كده ذكر حبه خصائص الي موجودة في الجهاز أنا هقولكم على الحجات المهمة منها :


Push to Talk وده خدمة جميلة جداً وهي أن تستخدم الموبايل كجهاز لاسلكي عادي بس للاسف الخدمة ده مش شغالة في مصر

**** MIDP 2.0 هنا بيقول ان الجهاز مدعم بلغة جافا يعني ممكن تنزل عليه ألعاب جافا وبرامج الي بنشوفها اليومين دول

Mono MP3 player وهنا بيقول أن التلفون فيه مشغل MP3 ماحدش يضحك عليكم ويقلوكم على الجهاز انه بيشغل MP3 بس ببرامج لازم تنزله لازم يكون التلفون يكون فيه مشغل علشان فرق الصوت

Stereo FM radio هنا قال أن الجهاز فيه راديو وإيستريو كمان يالله هيصوا

Visual radio وده صراحة ميزة عجبتنى قوي في التلفون ده وهي خدمة الراديوة لو جاية معاه أي إنفورميشن أو معلومات أو حتى صور بيعرضها زي التلفزيون بس للأسف الحجات ده مش في بلدنا العزيز

T9 القاموس طبعاً كلكم عارفينه



ثامناً
البطااااااااارية ياعسل وماوراء البطارية


كيف تختار موبايلك الجديد بالطريقة الصحيحة 11ln0

طبعاً في الاول بيقول نوعها
وبعد كده بيقولك STAND-BY بتعقد 150 ساعة ( قصده ان التفون لو سيبته خلاص من غير ماتتكلم أو تلعب فيه بيعقد 150 ساعة )
وبهد كده بيقول التحدث بيعقد معاك 4 ساعات ( يعني البطارية طولها 4 ساعات كلام متواصل )


ده بقى أهم 8 حجات لازم تعرفها عن الجهاز الي ناوي تشترية
بس فيه نقطين زيادة علشان تكمل إقتناعك بالجهاز الي انت عاوز تجيبه
( إخلص بقى ياعم الأمور ) إصبروا بس




تاسعاً

ياريت تبص على حاجتين رئيسية في الصفحة بتاعت التفلون أولهما على الريت ده
كيف تختار موبايلك الجديد بالطريقة الصحيحة 12qw3
ده التقيم بتاع الناس على الجهاز وطبعاً مدام فوق 7 يبقى ممتاز
وهمى بيقيموا على ثلاث حاجات التصميم والمميزات والإمكانيات


وثاني حاجة ياريت تقروا شوية عن آراء الناس عن الجهاز
كيف تختار موبايلك الجديد بالطريقة الصحيحة 13rj5


ونصيحة حاول تقرى على قد ماتقدر من الردود لأنهم هيكشفوا عن عيوب ماتبانش إلى في الإستخدام بس أهم حاجة ماتلاحظ مشكلة إتكررت مع كذا واحد ده هيبقى عيب في الجهاز نفسة غير كده هتلاقي مشاكل أشكال وألون وعن سوء الإستخدام وهتلاقي برده ناس بتمتح في الجهاز وبتقول أحلى وأحش حاجة وطبعاً كل ده هيفيدك قوي


عاشراً

وده أخر حاجة وده هتبسطكو قوي قوي تحت صورة الموبايل هتلاقي مكتوب PICTURES
كيف تختار موبايلك الجديد بالطريقة الصحيحة 14gx2



دوس عليها هيفتحلك صفحة فيها الصورة الحقيقة للموبايل بنفس المقاس الحقيقي لها وتحت حبة صور
وتحت حبة الصور هتلاقي كلمة
Click for more pictures المهم دوس عليها هيجبلك بقى كمية صورة للموبايل من كل الزويا ومن الي جناب ومن جواه وبراه ومن كل حته تتوقعهاكيف تختار موبايلك الجديد بالطريقة الصحيحة 15vm5


وكمان هتلاقي هططلك صور للسوفت وير بتاع الموبايل


كيف تختار موبايلك الجديد بالطريقة الصحيحة 16ns4


وأحلى حاجة هتلاقيه حاطط صور متاخذة بالكاميرا بتاعت الموبايل علشان تشوف نقاوة الكاميرابنفسك

كيف تختار موبايلك الجديد بالطريقة الصحيحة 17te6






الموضوع منقول
للافاده للجميع
الرجوع الى أعلى الصفحة اذهب الى الأسفل
muns1
عضو جامد
muns1


ذكر المشاركات : 290

العمر : 38

الاقامة : مصر

الدراسه : فى مصر برضه


كيف تختار موبايلك الجديد بالطريقة الصحيحة Empty
مُساهمةموضوع: رد: كيف تختار موبايلك الجديد بالطريقة الصحيحة   كيف تختار موبايلك الجديد بالطريقة الصحيحة Emptyالخميس ديسمبر 27, 2007 8:17 pm

شكرا على الموضوع
الرجوع الى أعلى الصفحة اذهب الى الأسفل
Admin

[ . .:. ADMIN .:.. ] Admin


ذكر المشاركات : 1261

العمر : 36

الاقامة : In HeLL

المستوي : level 4

الدراسه : designer Forum TiBa Academy


كيف تختار موبايلك الجديد بالطريقة الصحيحة Empty
مُساهمةموضوع: رد: كيف تختار موبايلك الجديد بالطريقة الصحيحة   كيف تختار موبايلك الجديد بالطريقة الصحيحة Emptyالخميس ديسمبر 27, 2007 11:09 pm

thanx a7med
الرجوع الى أعلى الصفحة اذهب الى الأسفل
bosy_123
انا كبرت شويه
bosy_123


انثى المشاركات : 201

العمر : 36

الاقامة : لبنانيه استقر بمصر الان

المستوي : طالبه في كليه تجاره

الدراسه : fReEeE


كيف تختار موبايلك الجديد بالطريقة الصحيحة Empty
مُساهمةموضوع: رد: كيف تختار موبايلك الجديد بالطريقة الصحيحة   كيف تختار موبايلك الجديد بالطريقة الصحيحة Emptyالثلاثاء أكتوبر 06, 2009 6:32 pm

greaaaaaaaaaaaaaaat mr admin
الرجوع الى أعلى الصفحة اذهب الى الأسفل
 
كيف تختار موبايلك الجديد بالطريقة الصحيحة
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
TiBa :: كل ما يخص الموبايل :: جميع برامج النوكيا-
انتقل الى: