TiBa

مرحبا بك ..:: زائر ::..
 
الرئيسيةس .و .جالتسجيلدخول

شاطر | 
 

 فيه أسئلة بديهية مالهاش اي لزمة في الدنيا

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
muns1
عضو جامد


ذكر المشاركات : 290

العمر : 30

الاقامة : مصر

الدراسه : فى مصر برضه


مُساهمةموضوع: فيه أسئلة بديهية مالهاش اي لزمة في الدنيا   الثلاثاء ديسمبر 25, 2007 7:39 pm

فيه أسئلة بديهية مالهاش اي لزمة في الدنيا
بنتعرّض ليها كل يوم من كل الناس
خلـونـــا نشــوف أمثلة

***********

إنت في أوضتك .. على السرير وطافي النور ومتغطي
ييجي أخوك الظريف ويفتح الباب عليك ويقول : ايه ده انت هتنام ولاّ ايه ؟

((
أظن ده مش وضع الرقص !!! واضح ان انا هنام ))

***********

انتم معزومين عند ناس ورحتو لبيتهم وأول ما فتحولكوا الباب يقول ابنهم الصغير: انتوا جيتــواااااااااااااااا ؟

((
لا لسه ))

***********

والعكس : انت لابس هدومك و متأنتك و على سنجة عشرة وريحة البارفان واصله لاخر الشارع .. وخلاص بتفتح باب الشقة,, يجي حد من أهلك وينادي بصوت عالي : انت خااااارج ولاّ اييييييييييه

(( !!!
لاء دانا لسه راجع ))

***********

أو مثلا راكب العربية ودوّرتها وخلاص هتطلع ... يجيلك لك البواب ويخبطلك على الزجاج,, انت بكل ذوق تفتح الزجاج وتقوله : خير في حاجة؟
يقولك : انت رايح الشغل يابيه ؟

((
لا.. العربية واحشاني ))

***********

مثلا ماسك سماعة التلفون وقاعد تضغط الارقام يجي حد من أهلك ويقولك: انت هتتكلم في التليفون ؟


((
لا.. بتفرّج عليه ))

***********

مثلا : ماسك مذكرة أو كتاب وقاعد تحفظ ومتحمس (أول مره بقى) .. جه حد وقالك: هاه.. قاعد تذاكر ؟

((
تقوم رامي الكتاب و تقوله لااااااااء ))


***********

ربنا هاديك كده ... ماسك سبحة و عمال تسبّح ، يجي حد من البيت يعدي عليك ويقول: هوّه انت بتسبح ؟

((
لاء.. هفرطها و أسلقها ))

***********

ولاّ تعالــو شوفو قنواتنا واسئلتهم البديهية البايخة
برنامج اهداءات يتصل واحد يطلب أغنيه
ترد عليه ست الكوتكوته (المذيعة) بكل خفه ورشاقة : إنتا بتحب الاغنيّة ديه ولا ايه ؟

((
لاء.. طالبها اخنق على نفسي ))

***********

أو مثلا في العيد
المذيع : هههههه هههههههه هههههه نتعرّف بيك
المواطن : فلان الفلاني
المذيع :هههههه هههههه هههههه بتقول ايه للأهل ههه و صحابك ههه وقرابيك هههه و للناس اللي انت مخاصمهم كمان ؟ هههههه هههههه ههههههه
المواطن : أقولهم كل عام وأنتم بخير

((
أكيد يعني مش هيقولهم البقاء لله ))

***********

,,,
المذيعة الظريفـة : وياترى بقى هتعملوا ايه العيد ده هتقضوه ازاي ؟
أكيد بيبقى زيارات الأهل و الصحاب و تخرجوا تشوفوا مظاهر العيد في الشوارع و تفسحوا أولادكم ونتصل بالمعارف نعيّد عليهم و نقولهم كل سنة و انتو طيبين

((
سبتيله ايه يقوله يارخمة ؟ ))

***********

والأسخف بقى ... الشلل الكبير.. لما المذيعين يكلّموا الاطفال
يقول المذيع للطفل : إنت بتحب ماما وبابا ؟

((
يعني أساسي الواد لسه ما طلعلوش عرق الندالة علشان يقول لأ ))

***********

كفاية كده عليكواااااا
اظن انتوا عارفين الباقي
المشكله بقى اني امبارح كنت برة البت
ورنيت عليهم وقلتلهم في البيت يرمولي مفتاح باب العمارة
ردو عليا وقالولي >هوا الباب مقفول<
حاجه تجنن
وارجو الرد منكم على هذه الاسئله
الرجوع الى أعلى الصفحة اذهب الى الأسفل
Admin

[ . .:. ADMIN .:.. ]

ذكر المشاركات : 1261

العمر : 29

الاقامة : In HeLL

المستوي : level 4

الدراسه : designer Forum TiBa Academy


مُساهمةموضوع: رد: فيه أسئلة بديهية مالهاش اي لزمة في الدنيا   الثلاثاء ديسمبر 25, 2007 10:08 pm


  • فعلا اسئله بايخه وغلسه angry

  • تسلم يا جميل

*****************************************
**************
لا اله الا الله
عدد ماكان
وعدد مايكون
عدد الحركات والسكون
*************
الرجوع الى أعلى الصفحة اذهب الى الأسفل
PhAnToM
المشرف العــام


ذكر المشاركات : 869

العمر : 29

الاقامة : EgYpT


مُساهمةموضوع: رد: فيه أسئلة بديهية مالهاش اي لزمة في الدنيا   الأربعاء ديسمبر 26, 2007 12:29 am

ههههههههههههههههههههه

هوة اساسا انتو عندكو باب للعمارة

ههههههههههههههههههههههه

*****************************************






الرجوع الى أعلى الصفحة اذهب الى الأسفل
 
فيه أسئلة بديهية مالهاش اي لزمة في الدنيا
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
TiBa :: الترفيه والمتعه :: النكـــــــــت-
انتقل الى: