السلام عليكم ورحمه الله وبركاته
ان ما يحدث في
مصر الان هو بلطجه بكل ماتحمله الكلمه من معني
بمعني ان كل اللي معاه قرش يسوي قرش واللي معاه فلوس بس هو اللي يعيش والفقرا ملهموش مكان في الدنيا
علي فكره انا موش بقول الكلام ده من فراغ بس انا بجد حصلت قدامي مواقف كتير علي ده
واولهم المصالح الحكوميه يعني لو بتخلص اي ورق من مصلحه حكوميه يا تدفع اللي فيه النصيب للموظف وتخلص مصلحتك وانت واقف يا اما لو حالتك علي قدك
ومواطن مطحون ذي حالاتي طبعا تستني ذي بقيه الخلق وتعدي عليهم السنه الجايه الساعه في نفس الوقت ده تقريبا
وتعرفوا ان حتي مسلسلات رمضان او المسلسلات اللي كانت بتيجي انا كنت متابع مسلسلين وبس كان فيه
(مسلسل قضيه رائ عام ) وياسلام كنت مبسوط ان الاعلام اول مره يناقش قضيه الاغتصاب من كل الجوانب دي وكنت عارف ان العقوبه لاذم تبقي صارمه في الاخر علي الجناه
.....بس بعد ماعرفت ان الجاني هو( ابن الوزير ومترشح بقوه للتربع علي عرش الوزاره لكونه سوف يكون رئيس الوزراء )والتاني ابوة راجل مهم في البلد
(يعني واحد من اللي معاهم فلوس )قولت بس يا واد يا منتصر اكيد كده الحكايه هاتختلف والحكم لاذم طبعا يتخفف
(علي اساس ان قليل من الماء يطهره ) وقولت كويس يبقي المسلسل ده هايبقي معارض للحكومه لان اذاي مثلا ابن حد مهم في البلد ويتحبس فما بالك بأابن وزير انا قولت
لو احنا في الحقيقه طبعا ابن الوزير عمره ماكان هيقعد خمس دقايق علي بعضهم في السجن اما في المسلسل لاذم يحبسوة عشان ميبينوش ان البلد بايظه علي الاخر مع ان هي دي الحقيقه
المهم انا اتصدمت من نهايه المسلسل وبجد ندمت اني كنت متابعه (اولا احنا موش عايشن في المدينه الفاضله بتاعه افلاطون ولا عايشن في عهد النبي عليه السلام واتباعه الصالحين ) احنا عايشن في عهد احسن (عايشن في عهد
مبارك وفقه الله اللي مخلي الشعب مرتاح جدا والبطاله ياسلام علي البطاله اللي مبقاش ليها اي وجود الشباب كلهم شغالين ومعدل الجرايم انخفض جداا بسب ان الشعب موش محتاج حاجه انا بجد بفرح اما بشوف مجهود
الريس والوزير الطويل اللي ماصص دمنا معرفش اسمه كلوركس ولا ديتول (تقريبا اسمه علي اسم مسحقو غسيل
نظيف ) وبجد هو الراجل نظيف لانه منظف جيوب المواطنين اول باول
(حسبنا الله ونعم الوكيل )المهم عشان مطولش عليكم انا صعقت من نهايه المسلسل ان ابن الوزير وابن الراجل الغني ومعاه فلوس هايخدوا اعداااااااااااام
انتو تعرفو ده لو ابن صول في المركز او حتي ظابط بنجمه واحده مكانش هايبات ليله واحده في القسم فما بالكم باابن الوزير الكلام ده ممكن يتحقق وكل واحد يعاقب علي قد فعلته بس في احلامك انت وبس اما في مصر لا اعتقد ذلك ابد .
ياريت اعرف ردوكم وياتري انا صح والكلام ده بيحصل ولا انا غلطجزاكم الله علي حسن المتابعه .