خاص بـــالــــ Admin

السلام عليكم ورحمة الله وبركاته

عندى أقتراح مهم ومثير جدا ولازم تعرفه

انك تعمل منتدى للبرامج اللى الطلبه بتحتجها فى الاكاديمية

مثلا زى :
S.Q.L
والفيجوال بيزك
والفرنتو بيج
والاوفيس كمان
وكدا يعنى
ظبط الطلبة شوية ....

ودا غير انك تنزل شرح البرامج دى ...

انت كدا هتساعدهم مووووت

انا حبيت بس اقول الاقتراح ....وشكرا ... ينقل لقسم الشكاوي والاقتراحات..(الاداره).

افادكم الله انا بكره ان شاء الله هاكلم واحد من المعيدين اللي عندنا في طيبه واخليه يجهز الحاجه دي كلها ومستني اقترحاتكم

ميرثى يا جميل انا نفسى يبقى المنتدى دا كويس واللهونقدر نوصل المنتدى دا بين الطلبه وشكرا

على فكره المنتدى ده جامد جدا بسبب ان الاكااااااااااااااديميه كانت عايزه حاجه تمشى عكس طريقها

مش فاهم قصدك ايه يا احمد بيه

وضح يا بوب قصدك

قصدى يا بروف سير ان الاكاديميه دى عايزه حد ينتقدها فى الغباء التام اللى احنا بنشوفه من الاكاااااااااااااااااااااديميه المبجله

يا جماعه والله انا عملت المنتدي موش عشان يكون توب ولا حاجه بس انا عملته عشان احنا في طيبه محتاجين حاجه تسمعهم صوتنا وحاجه تعبر ليهم عن رايئنا فيهم
وكمان محتاجين حاجه نعرف بيها اخبار الاكاديمية باستمرار واعتقد ان ده موش موجود في الموقع بتاع الاكاديميه اللي الموظفين اللي شغالين في طيبه عاملينه
علي العموم يا جماعه لو عايزن المنتدي يبقي كويس المنتدي هايبقي كويس بيكم وبأرائكم الكويسه والمفيده وكمان تفيدونا في الاخبار الجديده في الاكاديمه واللي معاه حاجه تخص الاكاديميه لاذم يحطها هنا عشان الكل يستفاد منها
سلامي للجميع / اخوكم منتصر

كلنا معاك يا منتصر

نحن ورائك يا فتى

go ahead man

اتمنى شئ واحد يا منتصر انك تعمل ركن للسيارات لانها عشقى الاول والاخير لانى دايما كنت ماسك مشرف على ركن السيارات

من عونيا التنين هههههههههههه
انا هعمل كل اللي انت عايزه بس بعد الامتحانات عشان مشغلكش بالمنتدي عن الامتحانات
اوكش يا جميل 2alb2

اوكش حبيب قلبي

عندى اقتراح ياريت بلاش نشوه صورة الاكاديمية اكتر من كدة فى المنتدى حرااااااام كفاية ان نعرف ان هى كدة بس مش نعلنها فى المنتدى ةكدة ..وحياة سيئة مش للدرجة دى كفاية ياس..خلى عندكو امل.....

yousef كتب:: عندى اقتراح ياريت بلاش نشوه صورة الاكاديمية اكتر من كدة فى المنتدى حرااااااام كفاية ان نعرف ان هى كدة بس مش نعلنها فى المنتدى ةكدة ..وحياة سيئة مش للدرجة دى كفاية ياس..خلى عندكو امل.....

بص يا يوسف بيه والله دا موش تشريد بس الاكاديميه فعلا مستفزه جدااا وانا موش هاتكلم اكتر من اللي انا كتبته في المواضيع بتاعتي

بس يعني انا دخلت الاكاديميه وشوفت فيها سيئات كتير ومحدش نصحني وانا بدخلها فالاذم انصح اي حد قبل مايدخلها

ده واجبي اني اعرف الناس بالعيوب اللي في المكان ده
وانا منكرش انه فيه بعض المزايا الحلوة

عندى اقتراح ياريت بلاش نشوه صورة الاكاديمية اكتر من كدة فى المنتدى حرااااااام كفاية ان نعرف ان هى كدة بس مش نعلنها فى المنتدى ةكدة ..وحياة سيئة مش للدرجة دى كفاية ياس..خلى عندكو امل.....

أمل فى أيه يا ابنى ..
هوة انت مش شايف الاكاديمية بتببقى اوحش من الاول ازاى ولا ايه
ولا انت اساسا شكلك مش بتروح خالص عشان تعرف ..

ال امال ال ...
وسلملى على صديق عفيفى ... هع هع هع

هاي يا جماعة عاملين ايه علي فكرة حكاية البرامج اللي بنحتاجها في الدراسة دي عجبتني جامد اوي بس نفسي في حاجة كمان ان تسجيل الدخول يكون في اي صفحة بالمنتدي ذي اي منتدي وديزين المنتدي يكون احسن من كده وعايزين ننزل كل الجداول سواء امتحانات او دراسة والاخبار اللي بتتنشر في الاكاديمية ذي مثلا الرحلات والاجازات والحفلات وكده يعني

mido_200h كتب:: هاي يا جماعة عاملين ايه علي فكرة حكاية البرامج اللي بنحتاجها في الدراسة دي عجبتني جامد اوي بس نفسي في حاجة كمان ان تسجيل الدخول يكون في اي صفحة بالمنتدي ذي اي منتدي وديزين المنتدي يكون احسن من كده وعايزين ننزل كل الجداول سواء امتحانات او دراسة والاخبار اللي بتتنشر في الاكاديمية ذي مثلا الرحلات والاجازات والحفلات وكده يعني

اذيك يا ميدوو
تم تنفيذ الخطوه الاولي والتي قام بأقتراحها العضوFrIeNdS FoReVeR وهي الخاصه بالبرامج اللي محتاجينها في الاكاديمية
الخطوه الثانيه : جاري تنفيذ الاقتراح الخاص بأن الدخول يكون من اي صفحه
الخطوه الثالثه : الدزيان والزيليوشن الخاص بالمنتدي سوف يتيغر ولكن بمجرد ما اخلص شويه شغل في الدزاين انا بعملهم.

الخطوه الرابعه : حكايه الجداول دي واننا نجيب الاخبار دي حكايه عايزه واحد بينذل الاكاديمية دايما وانا للاسف موش بنذل كتير لو انت او اي حد يقدر يقوم بالمهمه دي يبقي جزاه الله كل خير وهيعمل فينا عمل خير
الخطوه الخامسه : الاجازات والحفلات والحاجات دي في اصحابي من الاتحاد هايدخلوا المنتدي وهيمدونا بالمعلومات اللاذمه ان شاء الله.

بس انت كمان يا جميل بتدخل المنتدي يوم وتغيب شهرين تلاته فاحاول تخليك معانا علي طول عشان لاذم كلنا نبقي مع بعض دايما ونعرف اخبار بعض موش زياره كل شهر كده علي الطاير

حلو الايجاز اللى انت قولته دا يا منتصر ... برافو عليك عن جد ..

muns1 كتب:: اتمنى شئ واحد يا منتصر انك تعمل ركن للسيارات لانها عشقى الاول والاخير لانى دايما كنت ماسك مشرف على ركن السيارات

تم انشاء القسم اللي انت عايذه يا احمد يالا فرجنا شغلك ياباشا

شكرا يا ادمن على المجهود

[size=24] يا جماعه يوم الحد 6 إبريل إضراب لكل الشعب المصري في كل المحافظات بسب الغلاء اللي في البلد عايزين كلنا نشارك و نعمل إضراب عن العمل و الكليات و المدارس و الشراء لكل شئ حتي السجاير يا ريت بجد نعمل حاجه علشان نفسنا و علشان مصر أمانه عليك ترسل الرساله دي لكل اللي عندك الوقت قليل و عايزين مصر كلها تشارك[/size]

امكن انا بخرج مع صحابى ووقتى فى الاكاديمية قليل على قد المحاضرات والسكاشن ومليش علاقات كتير فى الاكاديمية وانا اهو واحد منها...احتمال دة يكون سبب انى معرفش عيوب الناس الفيها اكتر لانى مش على علاقة بيهم واكيد كل مكان فى كويس ووحش...اما ازا كنت تقصد العيوب من الدكاترة فانا مش شايفهم مقصرين.من جهة المعامل والسكاشن فهنااك تقصيرر كامل دة من وجهة نظرة..وفى شوية مشاكل لو اتظبطط مش هيبقى فى اى مشاكل...وعموما انا معرفش طريق الياس ابدا فى امكن اكون موجود فيه

» Congratulations my admin