مش مهم
مش مهم تكون عيونك لونها اخضر
مش مهم يكون جمالك زى بدر الكون منور
الاهم انك ياغالية فيكى شئ تانى شاغلنى
غير عبيرك .. غير حنان عمرى ما شوفته فى حد غيرك
شئ واخدنى غصب عنى يحتوينى
يزرع الاحلام فى دربى
يمسح الدمعات فى عينى
يحتوى خوف جوه نبضى
يفرش الفرحة فى سنينى
صدقينى
بصى جوه حروف كلامك هتلاقينى
بصى اكتر هتلاقيكى جوه منى
كل منى بية بعير
كل آهه من حنينى
اسمعينى
هتلاقينى فى قلب صوتك
ويا احلامك سكوتك
ويا فرحك
ويا غضبك
هتلاقيكى وهتلاقينى
يبقى حقى لما بلسانك اغنى
او اقولك انك انتى حته منى
ايوة انتى
حته منى
المرة اللى جاية ان شاء الله هنزله فى المنتدى بصوتى
ويارب يعجبكم
موضوع: مش مهم 
