[color=#3333ff]بصوا انا ناوية أقولكم على حاجة بس تبقي سر بينا وبين بعضينا ومحدش تانى يعرفها
متفقين ..موافــــقــــة
أصل من الآخر كده انا احترت مع نفسي ومع شخصيتى .. آآه شخصية سعادتى
قولتولى بقي .. بصوا انا شخصيتى عبارة عن 3 شخصيات
لألألأ ماتفهمونيش غلط
أنا قصدى ان انابتكيف بالوضع اللى حواليا
يعنى شخصيتى ممكن تكون حاجة من 3 بس على حسب بقي الوضع اللى انا فيه
لو هنتكلم على الشخصية الأولى فهى شخصية البنت الملتزمة الجد اووووووى ومتعرفش الهزار وملهاش فى الهزار
والشخصية ديه بتكون من أول ماأخرج من باب بيتنا وطول ماانا برة البيت ومع ناس معرفهاش بكون جد فعلا
ديه الشخصية اللى انا معروفة بيها فى وسط الناس للى متعرفنيش اوى
الشخصية العاقلة الرزينة والجادة والهادية جداااااااا واللى مابتتكلمش كتيير وساكتة معظم الوقت
طبعا ديه شخصية الى حد ما رخمة حبتين
ماعلينا .. بس على فكرة ديه مش شخصيتى الحقيقية
نيجى بقي للشخصية التانية
وهى شخصيتى مع اللى أعرفهم أصحابي بقي... قرايبي .. معارف
الشخصية العادية اللى بتضحك وتهزر وتتريق وغاوية هزار
وبحب اوى مصاحبة الناس
مش شخصية لزقة.. لا والله بس انا فعلا بحب الناس وبحب اعرف كل الشخصيات وأتعامل مع كل الناس طبعا مش هتعامل مع حد غصب عنه بس بحب أعرف ازاى اتعامل مع كل الناس وقت ماأكون مجبرة انى اتعامل مع شخصية معينة
والشخصية ديه شخصية وسط نوعا ما .. من وجهة نظر سيادتى انا
شخصية بتحب الضحك والهزار والكلام وما شابه ذلك
نيجى بقي للشخصية التالتة اللى انا نفسي بعترف انها شخصيتى الحقيقية واللى انا مش عارفة ازاى الناس مش راضية تصدق ان ديه ممن تكون شخصيتى
الشخصية المجـــــــنونة الشعنــــــونة
بحب الضحك جدا ..والكلام الكتييييير وخاصة مع ماما بحب ارغي كتير لدرجة ان ماما دماغها بتوجعها من كتر كلامى
ومش اى كلام .. اصل انابتكلم بسرعة وبتكلم كتير وبحكى لها على كل حاجة
فطبعا لازم دماغها توجعها منى
ماعلينا شخصية كمان بتحب الهزار موووووت وبحب كمان أعمل كل حاجة مجنونة
لو حبيت اعمل حاجة كحب استطلاع وممكن تضايق اللى قدامى بعمل نفسي مش واخدة بالى انها هتضره او هضايقه عشان أشوف رد الفعل هيكون ايه واعمل برضه اللى فى دماغى
شخصية مجنونة وبحب كل حاجة على هذا القبيل
اى حاجة تتعلق بالجنان والشعننة والطآآن
شخصية بقي بس ديه فى سركم كده ومحدش يعرفها.. عندية موووووووووووووت
ومحبش حد مهما كان هو مين يقولى اعملى ده او متعملهوش
ديه بتغظنى موت وبتخنقنى جدااا ان كنت عاوزة اعمل حاجة معينة ممكن معملهاش مخصوص عشان حد معين قالى اعمليها
رخمة .. رخمة يعنى من الآخر
لدرجة ان لما ماما او بابا او اى حد من اخواتى يقابلوا مدرسين بتوعى من ايام ثانوى او اصحابي او اى حد من معارفنا ويقولوا الا رضوى وهدوء رضوي
يقولولهم مين ديه ..طيب ابقوا تعالوا شوفوا رضوى وهدوءها ده فى البيت بيبقي عامل ازاى
بجد شخصية مختلفة تمام
بس بقي ايه لو حد عمل فيا حاجة مش ظريفة وانا فى شخصيتى المجنونة ديه ممكن أطيح به أرضا
مابحبش الغباء ومابحبش حد يستظرف كتير معايا
ولما بضايق بضايق بجد وممكن شخصيتى الطآآة تقلب فى ثوانى للشخصية الاولى
يعنى من الآخر فى الجد جد والهزار هزار مع مراعاة جنانى من فضلكم
انا بقي بحب الشخصية التالتة
الشخصية الطآآة اللي بتضحك كتير وبتهزر بقي ماقولكوش
هأقول ايه بقي ولا ايه
مش بقولكم انا بكون واحدة تانية
بس والله مش رخمة ولا حاجة
مجنـــونة بس
[color:9cc1=#ff6600:9cc1]فيها حاجة ديه
:2100:
موضوع: آآآآآآآآه يااااااااانــــى من جنــــــاااااااااااانى 
