اتنين ودانهم 6 على 6

اتنين ودانهم 6 على 6

فى يوم من الايام وعلى محطه ما فى محافظه ما فى دوله ما ظهر اتنين ويفترض انهم كمثلنا من مخلوقات على الارض وظهر بينهم حديث غير مفهوم وشيق ويبدأ :

>> >>>الأول : الاتوبيس ده بيروح مصر الجديدة؟
>> >>>الثاني : على الحديدة !!... ليه انت طالب احسان؟

>> >>>الأول : بذرة الكتان !! لا ..دي تلاقيها عند العطار
>> >>>الثاني : جزار !! اه ..قوللي كده .. عايز تشتري لحمة
>> >>>الأول : معك حق.. الدنيا زحمة ..علشان ده ميعاد خروج الموظفين
>> >>>الثاني : نور الدين !! لا والله .. ماعرفوهش
>> >>>الأول : ما بتشربوش!! ليه ..كفا الله الشر؟
>> >>>الثاني : رأس البر !!! ..ده مــصيف هادي
>> >>>الأول : عايز تركب للمعادي... دي منطقة جميلة
>> >>>الثاني : بليلة ؟!! انت شكلك كده جعان
>> >>>الأول : عيان ؟!!! أي والله .انت باين عليك عيان ..طيب ما تروح للدكتور
>> >>>الثاني: الحنطور !! ده احسن من الأتوبيس ، وبيوصلني لحد الباب
>> >>>الأول : هبــــاب وانا اللي كنت فاكرك محترم
>> >>>الثاني : اتخـرم !! هو مين ؟؟
>> >>>الأول : عاوز اسـبرين ! ليه انت عندك صداع ؟
>> >>>الثاني : قراع !!! يانهار اسود .. ده مرض خطير
>> >>>الأول : لا والله مش عايز.؟ وبعدين مش بأحب الفطير.. تقيل على المعدة وتمنه غالي
>> >>>الثاني: خالي.. انت تعرف خالي ؟ ده راجل كبير في السن
>> >>>الأول : الجن .. نهارك مش فايت ..انت عليك عفريت !؟
>> >>>الثاني لا والله ..ممعاييش.. انت عايز الكبريت ليه ..؟ عايز تولع؟
>> >>>الأول : أدّلع أدّلع عليك انت؟ انت ما تملاش عنيا
>> >>>الثاني : يقبضوا عليا !! ليه !؟
>> >>>الأول : انت غريب يا راجل انت..شكلك شحات
(يدفعه من القميص) روح اشتغل شغلة تاكل منها عيش
>> >>>الثاني : خيش !! والله ده صوف انجليزي
>> >>>الأول: بنتك زيزي !!! ربنا يخلّي
>> >>>الثاني : إنتاج محلي !!! ده مستورد
>> >>>يمر شاويش من بتوعنا ... يلفت انتباهه الحوار، : بتعمل ايه يا جدع منك له
>> >>>الاتنين: مافيش يا شاويش ...احنا مستنيين الأتوبيس

>> >>>الشاويش : نهاركم مش فايت .... جواسيس !!! قدامي على القسم

اتمنى تكون تكون القصه عجبتكم

مراسلكم احمد من امام الزنزانه اللى فيها الاتنين اللى مستنين الاتوبيس وللحديث بقيه

>> >>>الثاني : عايز طقيه طب متشترى

هههههههههههههههههه هههههههههههههههه
جامده بجد
انا اتشليت منهم
ههههههههههه

اى خدمه يا سمسم واتمنى ان ربنا ميوريك ناس زى دى عشان انا اعرف ناس كده

ههههههههههههههههه
طيبة معظمها من العينه دي

عشان كده جدى عايز يقدم عندنا فى طيبه بيقولى الحال من بعضه

ههههههههههههههههههه جامدة مووووووووووووووووت واحلى مافيها بنتوا على اسمى هههههههههههههههههه تسلم يامنص ههههههههههههههه

ربنا يخليكى يا دلوعه وبجد انا اول مره اخد بالى ان اسمك موجود فى الموضوع وشكرا على مرورك دلوعه المنتدى