حوار لطيف بين زوج مع زوجته

حوار لطيف بين زوج مع زوجته

هو : حبيبتي أنا حأطلب بيتزا ، عايزة حاجة ؟

هي : لا يا حبيبي

هو : اوكي

هي : ولا اقولك ...؟

هو: ها ، أطلب لك كمان ؟

هي : مش عارفة

هو: مش عارفة اذا كنتي عايزة ؟

هي : لا

هو : انتي جعانة ؟

هي : يعني

هو : يعني إيه يعني...؟

هي : يعني مش متأكدة اذا كنت جعانة ولا لأ.

هو : الواحد لما بيكون جعان بيعرف

هي : لأ بس يمكن اجوع بعدين

هو: يعني اطلب لك بيتزا؟

هي : طيب واذا ما كنتش جعانة وقتها..؟

هو : ما تاكليش

هي : بس ده كدة يبقى تبذير

هو : خلاص ، تبقي تاكليها بكرة

هي : و اذا ما كانش لي نفس آكل بيتزا بكرة؟

هو: مش محتاجة نفس ، الواحد عادي ممكن ياكل بيتزا كل يوم

هي : انا لا .. أنا مش باكل بيتزا الا لما يكون عندي نفس للبيتزا

هو : طيب بلاش ، أطلب لك حاجة تانية؟

هي : بس أنا مش عايزة حاجة تانية

هو : يعني عايزة بيتزا؟

هي : لا

هو : يعني مش عايزة حاجة؟

هي : لأ برضه

هو : جننتيني ، طب أعمل إيه؟

هي : اطلب انت لنفسك

هو : الحمد لله ، اخيرا .. ماشي ...

هي : بس اطلب بيتزا بالتونة

هو : نعم ؟ انا مش بحب البيتزا التونة

هي : بس انا بحبها

هو : وانتي مالك ؟ هو انا حاطلب ليا ولا ليكي

هي : ليك طبعا

هو : طيب أطلبها ليه بأة بالتونة...؟

هي : يمكن اجوع لما يوصل الاكل

هو : وبعدين؟

هي : يا سلام ، يعني تفتكر آكل حاجة مش عاجباني؟

هو : ليه هو انتي – أصلاً - عايزة تاكلي؟

هي : ليه لأ ؟

هو : يا مثبت العقل .. هو أنا حاطلب بيتزا لي , عشان احتمال انتي
تاكليها اذا كنتي جعانة؟؟

هي : بالضبط

هو : وأنا بلاش آكل؟

هي : يمكن وقتها أكون مش جعانة

ملاحظة

محكمة الجنايات قررت تبرئة الزوج من تهمة
'قتل الزوجة مع سبق الإصرار والترصد'
وتحويل التهمة إلى ..
'قتل الزوجة دفاعاً عن النفس'

هههههههههه
تصدق انا لو القاضي هاخليهم يصرفه للزوج تعويض كمان و برشام صداع مده الحياه
ههههههه

منا قولت كده برضه وهما صرفه ليه الحاجات اللى انت قولت عليه دى ومعاهم كمان علبتين كبريت كل شهر عشان يولع فى الصور بتعتها اصل مقولتلكش هى مصوراتى بعد الظهر وكانت ليه عمه خياطه وبعدين اطلقت .................... كفايه عليك كده

يا عم انا لو منه اريح دماغى واجيب واحدة بالتونة وواحدة باللى انا عايزة ..

دا باينه خريج معهد

هههههههههههههههههه

ههههههههههههه الستات دول حاجة فظيعة فظيعة مووووووووووت الله يكون فى عونوا والله الستات دول فظاع ههههههههههههههههه انا لو مكان الراجل كنت موتها وانتحرت بعدها بسببها

هع هع هع هع

تعتقدى ذلك يا زيزى ....

امال هندلع مين بقى لما كل واحد يموت مراته

» حوار بين زوج و زوجته
» حوار مع الحب
» حوار بين ابو جهل و ابو لهب علي الياهو
» حوار بين حبيب و حبيبته